Markalariak, euskarazko komunikazioaren komunitatea
2025
EUSKAL AGENTZIEN ELKARLANA
Markalariak komunikazio agentzia euskaldunen arteko topagune eta lankidetza sarea da, eta Sorland komunitate honen sortzaile eta parte aktiboa da.
Helburua argia da: sektorearen balioa azaleratzea, ezagutza partekatzea eta euskarazko komunikazioaren etorkizuna elkarlanean eraikitzea.
Gaur egun sei agentziak osatzen dugu komunitatea: Arteman, AZK, Burutu, Sorland, TaPuntu eta The Niu.
Markalariak komunitate irekia da: egiteko modu onak aitortu, belaunaldi berriak inspiratu eta euskaraz sortzeko eredua eskaini nahi duena. Etorkizunera begira, euskaraz diharduten komunikazio-eragile gehiago biltzea da gure erronka.
