Skip links

Euskal sagardoaren jatorriak: Marketing digitala eta COVID19

Sagardotegiak lehenengo ostalaritza establezimendutako bat izan ziren Euskal Herrian COVID19agatik ixten, Txotx garai betean erantzukizun ariketa bat eginez; sektoreak aste hauetarako aurreikusitako beste ekitaldi publiko batzuk ere ez dira burutu. Egoera horretan, Euskal Sagardoa jatorri deiturari marketing digitaleko kanpaina bat egitea proposatu genion.

Helburua bultzada bat ematea izan da Euskal Sagardoa markari zehazki eta sektoreari oro har, eta ideiaren funtsa euskal sagardoari buruzko jakintza sareetan partekatzea zen webgunera trafikoa erakartzeko. Laburtuz, berezko edukiak sortzea berririk gabeko testuinguru batean.

Birala izatea lortu duen kanpaina bat partekatu nahi dugu gaur, arrakastaren gakoak aztertuz, beste kasu batzuetarako ere baliagarri izan dakizuelakoan.

Marka edukien estrategia eta publizitate inbertsioa Facebooken

Euskal sargardoaren jatorriei buruzko artikulua sortu genuen Euskal Sagardoa markaren webgunean, sare sozialetan zabalduz eta inbertsio txiki bat eginez Facebooken publizitatzeko; Euskal Herrian eta bere ingurunean fokatu genuen kanpaina, euskaraz eta gazteleraz.

Bagenekien sagardoaren jatorria gai gatazkatsua dela sektorean. Hala ere, harritu egin gintuen behin posta argitaratu ondorengo iruzkin erauntsiak. 113 iruzkin Facebookeko argitalpen batean! Argitakpen hori 44.000 pertsonak ikusi dute, eta 359 izan dira modu bateko edo besteko elkarrekintza izan dutenak; gogoko izan dutenak, artikulua irakurri dutenak edo Euskal Sagardoa kontuan sartu direnak.

Sare sozialetako trafikoa markaren webguneko trafiko bihurtzen

Kanpaina honen arrakastak isla du Euskal Sagardoa markaren webgunean ere. Facebooken posta argitaratu zenetik kanpainak iraun zuen bitartean, trafikoak nabarmen egin zuen gora; baita publizitate inbertsioa amaitu eta egun batzuk geroago ere, lortu zuen biralitatea dela-eta.

Kasu honek erakusten du online kanpaina baten arrakasta egoki aukeratutako edukien eta estrategiaren uztarketa on baten emaitza dela.

 

Blogposta Euskal Sagardoaren webgunean: hemen

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies