Marka Estrategia

Marka estrategia enpresa edo erakunde baten komunikazio plan baterako ardatza da.

Marka estrategia ardazteko, posizionamendua zehaztuko dugu lehenik: kontsumitzaileen, erabiltzaileen eta bestelako xede-taldeen buruetan gure marka zer den definituko duen ideia nagusia; gure balio eskaintza.

Marka posizionamendua, gure marka lehiakideengandik bereiziko duen definizio hori, ideia nagusi hori, arrazoizko epean landu beharreko helburu lorgarria izango da; ez eperik gabeko ezinezko nahi bat.

Marka posizionamendua zehaztuta, xede-talde nagusiak finkatu eta hierarkizatuko ditugu; horrekin batera, barne komunikazioa, komunikazio komertziala eta komunikazio korporatiboa uztartuko ditugu.

Xede-talde nagusiak hierarkizatuta, horietako bakoitzari dagokion komunikazio helburua eta mezugintza idatziz zehaztuko ditugu.