Marka Estrategiaren Ebaluazioa

Marka estrategiaren ebaluazioa marka posizionamendua eta komunikazio helburu nagusiak lortzen goazen aztertzeko metodoa da.

Marka estrategia komunikazio plan batean zehaztean, bi-hiru urtera begirako helburu nagusiak ezarri ohi ditugu: marka posizionamendua eta xede-talde lehenetsiei dagozkien komunikazio helburu zehatzak.

Marka estrategia ebaluatzeko, urtero aztertu beharko dugu xede-talde lehenetsiei dagozkien komunikazio helburuen betetze-maila, xede-taldeen iritzia jasotzeko bitartekoekin.

Marka estrategia ebaluatzeko, gainera, helburu dugun marka posizionamendua lortzen ari garen ere aztertu beharko dugu urtean behin; xede-taldeek markari buruz duten irudia zertan den neurtu.

Marka posizionamenduaren zein xede-taldeei begirako komunikazio helburuen betetze-maila urtero ebaluatuko dugu, beraz, eta txosten laburrean idatziz jasota utziko ditugu ondorioak.