Skip links

Euskara praktikoa marka ideia bezala


AEK-k hizkuntzaren erabileran oinarritzen den ikasketa metodologia bat eskaintzen du. Hortik dator bere marka kokapenerako marka ideia: Euskara praktikoa.

Euskara ikastea zaila dela eta estruktura konplexuz osatuta dagoela gizartean zabalduta dauden ideiak diren arren, urtetan lan egin du AEK-k hori aldatzeko. Erabileran oinarritutako metodologiarekin euskara ikastea posible dela erakutsiz.
Ideia hauek dituzten pertsonak konbentzitzeak komunikazio lan sakon bat dakar, hor sartzen da Sorland.

Estrategia eta sormena

Komunikazio estrategikoan prestatutako agentzia behar zuen AEK-k. Euskaraz, gazteleraz zein frantsesez ideia kreatiboak landuko zituena. Urte osoko beharrizan komunikatiboak asetu izan dizkiogu; kanpaina zehatzak, euskaltegien dekorazioa, euskara erakusteko erabiltzen diren euskarri didaktikoak eta abar luze bat.

Baina, batez ere, bi kanpaina handi burutu izan ditugu AEKrentzat; matrikulazio kanpainak eta Korrika.

Matrikulazio kanpainen publizitatea

Matrikulazio kanpainaren xede-taldea definitu, estrategia eraginkorrena prestatu, ideia kreatiboa sortu eta horren araberako euskarriak planteatu, diseinatu eta prestatu ditugu. Euskal Herri osoan hedatzen den kanpaina honek bi epealdi ezberdin ditu: matrikulazio kanpaina nagusia eta udako matrikulazio kanpaina.

Matrikulazio kanpaina euskara ikastea erabaki dutenentzat zuzendua dago. AEK-k hizkuntzaren erabileran oinarrituta dagoen metodologia batekin, ikasteko modu praktikoa eskaintzen die. Markaren funtsean bilakatu den eskaintza hau, sormen ideia ezberdinekin garatu da azken urte hauetan. Ahozko kontzeptu diren efektibitatea-afektibitatea edo hurbiltasunean oinarriturik, eta ahozko komunikazioari loturik dauden kontzeptu bisualak, hala nola, postit, mikrofono edo aurikularrak lotuz.

Azken urte hauetan emotikonoak erabiltzearen alde egin dugu, irudi komunikatiboak dudarik gabe. Gaur egun, egunerokotasunean modu erraz eta zuzen batean erabiltzen ditugu, egoera, sentimendu edo pentsamenduak komunikatzeko. Baina paradoxikoki ez dute hitzik egiten. Eta,  euskaraz hitz egingo balute?

AEK-k hizkuntzaren erabileran oinarritzen den ikasketa metodologia bat eskaintzen du. Hortik dator bere marka kokapenerako marka ideia: Euskara praktikoa.

Euskara bultzatzeko komunikazioa

 

Korrika, berriz euskararen alde egiten den kanpaina handienetakoa, beharbada zirraragarriena. 500.000 lagun euskaren alde batzea lortu du Korrikak.

Urte bete eta erdiko iraupena duen kanpaina da. Guk, zenbait ediziotan zuzendu dugun lana. Norentzako zer esan behar den eta zer lortzeko esan behar den erabakitzetik hasi behar da. Mezu hau urte horretan AEK-k gizarteratu nahi duen ideiarekin lotuta doa.

Zehaztasunetik abiatu izan gara beti, ideia nagusiak hitz gutxitan eta gako bisualekin bideratuz, denboran luzatuko den eta hainbat euskarri izango dituen kanpainaren ideia kreatiboaren kontzeptua zein izango den jasota, aplikazio nagusiak diseinatzera eta markaren erabilera irizpideen eskuliburua sortzera pasako gara.

Urte eta erdi jarraian komunikatzen, edizio bakoitzean harrigarriagoak izaten saiatzen.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies