Skip links

Etorkizun handiko
iragana


2016. urtean izan zen Durangoko Azokaren 50. urteurrena eta data esanguratsu hori marka estrategiaren inflexio puntu bilakatu nahi izan genuen.

Europa osoan kultur arloan egiten diren azoken artean arrakastatsuenetakoa da Durangoko Azoka. Azokarekin kolaboratu izan dugu, baita euskal kulturaren hainbat proiekturekin ere, eta gertakari hau aukera profesional pare gabea iruditu zitzaigun.

Ez genuen komunikazioan salto egiteko eta marka nortasun berri bat sortzeko aukera galdu nahi.

Durangoko Azoka DA

Ospakizun garrantzitsua izan zen, euskal kulturzaleentzat bereziki, eta euskal herritarrentzat oro har.

Epe ertaineko komunikazio estrategia finkatu genuen, eta marka nortasun berria aurkeztu zuen Durangoko Azokak: DA!

DA! Durangoko Azokaren akronimotik dator. Baina gainera DA! Aditz ezin esanguratsuagoa da euskaraz; esaerak dioen bezala “izena badu, bada”. Euskal kulturari buruz ari garenez gero, ez dago soberan Shakespeare bezalako erreferente unibertsala eta bere “to be or not to be” ezaguna aipatzea ere; “bada ala ez da” hori da kontua.

Izen labur, esanguratsu eta sonoritate handiko marka nortasun hori bihurtu genuen spotak, kartel grafikoak eta gainerako publizitate euskarriak sortzeko ardatz nagusi. Logotipo tipografikoari karratua gehitu genion DA! Markari funtzio bikoitza emateko. Alde batetik, sortzaile eta kultura jarraitzaileen topaleku izateko. Bestetik, artisten azken lanak kaleratzeko eskaparate ezin hobea.

Markaren nortasuna eta diskurtsoa garatzen

DA! topagune edo eskaparate bat bakarrik izatetik urrun, ekitaldi eta sormen proposamen ugariren plaza ere bada. Diziplina bakoitzari zuzenduta dauden guneekin: musika, literatura, antzerkia, ikus-entzunekoak, etab.

Durangoko Azoka adierazpide artistikoen arabera gauzatzen den gune ugarietako bakoitzari izaera bereiztua emateko, hainbat kolore desberdinetan egokitu genuen DA! marka nortasuna.

Gainera, 50. urteurrena gitzarri hartuta etorkizunerako begirada duen kontakizun bat landu genuen. Indar-ideiak finkatu, prentsa dossierrak, diskurtsoak, etab.

Azkenik, spot, irrati kuina eta kartel grafikoetara eraman genuen “Bai, bada” sormen ideia zentrala, aldi berean “to be or not to be” ideiari erantzuten diona. 50. urteurrenerako sortutako marka nortasun berria aurkezteko balio izan zuena.

2016. urtean izan zen Durangoko Azokaren 50. urteurrena eta data esanguratsu hori marka estrategiaren inflexio puntu bilakatu nahi izan genuen. Ez genuen komunikazioan jauzi bat egiteko aukera galdu nahi.

50 eta askoz gehiago

Ikusi bezala, 50. ediziotik aurrera denetariko euskarritara eroan dugu DA! markaren garapena eta sorkuntza lana: kartela, seinalizazioa, egitaraua, liburuxka, gonbidapenak, etab.

51. edizioan, gainera, euskal herritar erdaldunei ere Durangoko Azokara etortzeko gonbidapena egin nahi izan zaie. Batez ere, euskal kulturagatik interesa duten eta Azokara hurbiltzen diren horiei. eta eslogana egokitu dugu publizitate grafikoan: DA! VIDA A LA CULTURA.

52. edizioan, aldiz, Azoka, lurralde bihurtu da, “Sormenaren Lurraldea DA!” leloarekin. Ez ohiko lurralde bat eraiki dugu, sormena iristen den lekuraino zabaltzen den lurraldea, euskara ardatz duena eta kultura oinarri. Gauzak horrela, Azoka kultur ekosistema osoa batzen duen lekua dela nabarmendu nahi izan dugu horrela: sortzaileak, hartzaileak, azpiegiturak, sareak eta kultur-politikak.

50 mugarri berezia zela pentsatuz hasi genuen lan hau. 51.ak eta 52.ak berezia izaten jarraitu dute. Eta 53.ak,54.ak eta… Denak izango dira bereziak guretzat, kultura aniztasunean sinisten dugulako. Euskal kultura maite dugulako.

50 eta askoz gehiago

Ikusi bezala, 50. ediziotik aurrera denetariko euskarritara eroan dugu DA! markaren garapena eta sorkuntza lana: kartela, seinalizazioa, egitaraua, liburuxka, gonbidapenak, etab.

51. edizioan, gainera, euskal herritar erdaldunei ere Durangoko Azokara etortzeko gonbidapena egin nahi izan zaie. Batez ere, euskal kulturagatik interesa duten eta Azokara hurbiltzen diren horiei eta eslogana egokitu dugu publizitate grafikoan: DA! VIDA A LA CULTURA.

52. edizioan, aldiz, Azoka, lurralde bihurtu da, “Sormenaren Lurraldea DA!” leloarekin. Ez ohiko lurralde bat eraiki dugu, sormena iristen den lekuraino zabaltzen den lurraldea, euskara ardatz duena eta kultura oinarri. Gauzak horrela, Azoka kultur ekosistema osoa batzen duen lekua dela nabarmendu nahi izan dugu horrela: sortzaileak, hartzaileak, azpiegiturak, sareak eta kultur-politikak.

50 mugarri berezia zela pentsatuz hasi genuen lan hau. 51.ak eta 52.ak berezia izaten jarraitu dute. Eta 53.ak,54.ak eta… Denak izango dira bereziak guretzat, kultura aniztasunean sinisten dugulako. Euskal kultura maite dugulako.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies